Ermənistan İcevan rayonunda polislə yerli sakinlər arasında toqquşmaya görə 13 nəfər saxlanılıb.
Modern.az Ermənistan KİV-nə istinadən xəbər verir ki, onlar polisə müqavimət göstərməkdə və xuliqanlıqda ittiham olunurlar. Saxlanılan 13 nəfərlə yanaşı, daha 6 nəfər barəsində şəhərdən çıxmamaq barədə iltizam alınıb.
İyulun 17-si gecə saatlarında sakinlər yolu kəsərək, ağac kəsimi üçün icazə tələb ediblər. Polislə toqquşmaya girən etirazçılar 10-dan artıq polisi yaralayıblar.
Xatırladaq ki, Nikol Paşinyan əslən, İcevan rayonundandır.