Bakının “Neftçi” klubu Avropa Liqasının II təsnifat mərhələsinə yüksəlib.
Modern.az xəbər verir ki, Azərbaycanın ən titullu klubu I təsnifat mərhələsində Moldovanın “Speranta” komandasını mübarizədən kənarlaşdırıb. Oyun “Neftçi”nin 6:0 hesablı qələbəsi ilə yekunlaşıb. "Ağ-qaralar"ın heyətində 19-cu dəqiqədə Vanqelis Platellas, 24-cü dəqiqədə Emin Mahmudov, 40-cı dəqiqədə Vanqelis Platellas, 43-cü dəqiqədə Dario Frederiko, 68-ci dəqiqədə Stiven Jozef-Monroz, 78-ci dəqiqədə isə İsmayıl Zülfüqarlı fərqlənib.
Qeyd edək ki, “Neftçi” II təsnifat mərhələsində Rusiyanın “Arsenal” klubu ilə üz-üzə gələcək. İlk oyun iyulun 25-də Tula şəhərində, cavab matçı avqustun 1-də Bakıda keçiriləcək.
***
“Neftçi” “Speranta” oyununda hesab açılıb.
Modern.az xəbər verir ki, “Neftçi” oyunun 18-ci dəqiqəsində rəqibi meydanın mərkəzinə dəvət edib: 1:0
***
Avropa Liqasında I təsnifat mərhələsinin oyunları çərçivəsində Bakının “Neftçi” klubu doğma meydanda “Speranta” ilə üz-üzə gəlir.
Modern.az xəbər verir ki, Roberto Bordinin yetirmələri rəqib meydanında 3:0 hesabı ilə məğlub etdiyi Moldova təmsilçisi ilə görüşdə azarkeşlərini sevindirməyə çalışır.
Topaz Premyer Liqasının gümüş mükafatçısı mövsümün ilk ev oyununu “Bakcell Arena”da keçirir. “Ağ-qaralar”ın görüşündə möcüzə baş verməsə, bakılılar II təsnifat mərhələsində Rusiya “Arsenal”ı ilə qarşılaşacaq.
Qeyd edək ki, ilk oyun “Neftçi”nin 3:0 hesablı qələbəsi ilə yekunlaşıb.
