Şimali İrlandiyada “Linfild” və "Qarabağ" komandaları arasında keçiriləcək UEFA Avropa Liqasının “pley-off” matçının hakimləri müəyyənləşib.
Modern.az xəbər verir ki, avqustun 22-də Belfastdakı “Windsor Park”da təşkil olunacaq qarşılaşma isveçrəli hakimlər briqadası tərəfindən idarə olunacaq. Görüşün baş hakimi Sandro Sxarerə Stefan De Almeyda və Bekim Zoqay kömək edəcəklər.
Dördüncü hakim funksiyasını Fedayi San yerinə yetirəcək. Hakim-inspektor Vlado Svilokos (Xorvatiya), UEFA nümayəndəsi isə Mikael Zaltser (İsveç) olacaq.
Qeyd edək ki, cavab görüşü avqustun 29-da Bakıdakı Tofiq Bəhramov adına Respublika stadionunda keçiriləcək.
