Şabran rayonunda dördmərtəbəli binanın zirzəmisində taxta və məişət tullantıları 5 m² sahədə, 16 ədəd su sayğacı, birinci mərtəbəsində elektrik lövhəsində quraşdırılan 16 ədəd sayğacdan 5 ədədi yanıb.
Fövqəladə Hallar Nazirliyindən Modern.az-a verilən məlumata görə, yanğın zamanı 22 nəfər bina sakini yanğınsöndürənlər tərəfindən təhlükəsiz əraziyə təxliyə olunub. 6 nəfər tüstüdən zəhərlənmə diaqnozu (ilkin yardım göstərildikdən sonra evə buraxılıblar) və 1 nəfər ayaq nahiyəsindən xəsarət ilə təcili yardım xidməti tərəfindən rayon mərkəzi xəstəxanasına aparılıb. Mənzillər və sayğacların qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.