Bayraq meydanında aparılan tikinti işləri ilə əlaqədar bu gün Bakının Səbail rayonunun mərkəzi hissəsinin və Bayıl qəsəbəsinin su ilə təchizatında fasilə olacaq.
“Azərsu” ASC-nin Mətbuat xidməti və ictimaiyyətlə əlaqələr şöbəsindən Modern.az-a verilən məlumata görə, bu axşam həmin ərazilərdə su olmayacaq.
Su təchizatı fevralın 12-dən bərpa olunacaq. Yaranmış narahatlıqla əlaqədar “Azərsu” ASC abonentlərdən üzr istəyir.