Son illərdə orta məktəblərdə məktəblilərin mobil telefonlardan istifadə etməsinin bir çox fəsadlara yol açdığının şahidi olmuşuq.
Artıq dünya ölkələri orta məktəblərdə mobil telefonların qadağan edilməsinə qərar verib. Hətta bu yaxınlarda Rusiyanın Təhsil Nazirliyi regional idarələrə məktəblərdə mobil telefonlardan istifadənin məhdudlaşdırılması ilə bağlı təklif göndərib.
Bəs Azərbaycanda vəziyyət necədir?
Yeni dərs ilindən başlayaraq orta məktəblərdə mobil telefonlara qadağa qoyula bilərmi?
Təhsil Nazirliyi Modern.az-ın sorğusuna cavab olaraq bildirib ki, rəsmi qadağa yoxdur:
“Ümumtəhsil məktəblərində mobil telefondan istifadə ilə bağlı rəsmi qadağa yoxdur. Lakin tədris prosesi zamanı istifadəyə yol verilmir”.
