Kanadanın Baş naziri Castin Trudo ölkə parlamentinin buraxıldığını elan edib.
Modern.az xarici mediaya istinadən xəbər verir ki, bunu Baş nazir xalqa müraciətində bildirib.
“Bir neçə dəqiqə əvvəl Kanadanın general-qubernatoru parlamentin buraxılması barədə ərizəmi qəbul etdi. Kanadalılar seçki məntəqələrinə oktyabrın 21-də gələcəklər”,- deyə Castin Trudo bildirib.
Qeyd edək ki, ənənəyə uyğun olaraq, hökumət başçısı bu gün səhər ölkənin general-qubernatoru Jüli Peyettin iqamətgahına gəlib və ondan milli parlamentin buraxılmasını xahiş edib. Həmin andan Kanada tarixində 43-cü seçkiqabağı kampaniya başlayıb.