Cinsi təcavüz iddiası ilə barəsində təhqiqat aparılan məşhur tenor Plasido Dominqo çalışdığı Metropolitan Operasından istefa etməyə məcbur olub. 78 yaşlı məşhur ispaniyalı tenor Plasido Dominqo 20 qadın tərəfindən təcavüz iddiası ilə ittiham olunur.
Xatırladaq ki, zərəçəkən olduqlarını bildirən qadınların iddiaları “Assoşeyted Press” xəbər saytında yer almışdı. Bundan sonra Amerika Musiqi Sənətçiləri Birliyi tenor barəsində təhqiqatlara başlamışdı.
Modern.az xarici mətbuata istinadən xəbər verir ki, təcavüz iddialarından sonra Dominqonun çalışdığı Nyu-Yorkdakı Metropolitan Operası ittihamlara münasibət bildirilib. Açıqlamada Dominqonun Metropolitan Operasından istefa etdiyi, daha öncədən hazırlanmış səhnələrindən çəkilməyi qəbul etdiyi bildirilib.
Operanın əfsanə səsi təcavüz iddialarını rədd etsə də, Metropolitan Operası ilə 51 illik çalışmasının bitdiyini təsdiqləyib.