Rusiya Nazirlər Kabineti iqtisadiyyatın ayrı-ayrı sahələrində istifadə oluna biləcək əcnəbi işçi kvotasını təsdiqləyib.
Modern.az Rusiya KİV-nə istinadən xəbər verir ki, azərbaycanlı miqrantlara da şamil olunacaq yeni qaydalara əsasən, 2020-ci ildə sərnişindaşıma və yükdaşıma nəqliyyatında xarici işçilərin sayı 26%-dən artıq olmamalıdır.
İdman sahəsində bu göstərici 25%, meyvə-tərəvəz satışında isə 50%-i keçə bilməz. 2019-cu ildə olduğu kimi, gələn il də tikinti sektorunda 80%-ə qədər contingent əcnəbi ola bilər.
Xatırladaq ki, Rusiya tərəfi ölkə ərazisində 600 minə yaxın Azərbaycan vətəndaşının əmək fəaliyyəti ilə məşğul olduğunu yazır.