"Barselona" və Argentina millisinin kapitanı Lionel Messi karyerası ərzində 6-cı dəfə "Qızıl buts" mükafatına layiq görülüb.
Modern.az xəbər verir ki, 32 yaşlı hücumçu bu mükafata İspaniya La Liqasının 2018-2019-cu mövsümündə vurduğu 36 qola görə layiq görülüb. O, qeyd edilən nominasiyada PSJ-nin hücumçusu Kilian Mbappeni qabaqlamağı bacarıb. Mbappe ötən mövsüm Fransa çempionatında 33 qolla yadda qalıb.
Qeyd edək ki, Messi bu mükafatı 6 dəfə qazanmağı bacaran yeganə oyunçudur.
