Şair Şamxal Rüstəm vəfat edib.
Modern.az xəbər verir ki, bu barədə şairin dostları sosial şəbəkədə məlumat paylaşıblar.
Qeyd edək ki, Şamxal Rüstəm 1952-ci ildə Şəmkir rayonunda anadan olub. Bakı Dövlət Universitetinin jurnalistika fakültəsini bitirib. Bir müddət Azərbaycan radiosunda fəaliyyət göstərib.
İlk şeirləri 70-ci illərdə çap olunub və maraqla qarşılanıb.
Şamxal Rüstəmin şeirləri daha çox yaddaşlarda, dildə-ağızda yaşayıb. Onun xüsusilə “Belə qəmli dayanma” adlı şeirinə bəstəkar Taleh Hacıyevin bəstələdiyi musiqi daha populyardır.
