Türkiyənin Şanlıurfa vilayətində qorxunc hadisə baş verib.
Modern.az xəbər verir ki, vilayətin Eyyubiye qəsəbəsində Çiğdem Ç. adlı qız tanışı olan şəxsin hücumuna məruz qalıb. Belə ki, 16 yaşlı qızın münasibətdə olduğu şəxs onun telefonunu zorla əlindən alıb. Bundan sonra Çiğdem polisə müraciət edib. lakin polis soyğunçunu tapa bilmyib və həmin şəxs qızı təqib etməyə başlayıb. O, Çiğdemin polisə müraciət etməyinə görə ondan qisas almaq qərarına gəlib və qızı məhəllədə yaxalayaraq üzərinə benzin töküb. Həmin şəxs dərhal qıza od vuraraq qaçıb.
Yaxınlıqdakı şəxslərin köməkliyi ilə gənc qızı tamamilə yanmaqdan xilas etmək mümkün olub. Lakin onun bədəninin bir çox hissələri, əsasən də sifət nahiyəsində ağır xəsarətlər qalıb.
