Afrika qitəsində yerləşən Malidə 13 fransalı hərbi qulluqçu həlak olub.
Modern.az xarici KİV-ə istinadən xəbər verir ki, hadisə 2 helikopterin havada toqquşması nəticəsində baş verib. Fransa prezidenti Emmanuel Makron ölənlərin yaxınlarına başsağlığı verib. Ötən gecə Malinin Sahel vilayətində qeyə alınan insident zamanı həlak olan hərbçilərin hamısı zabitdir.
Fransa 2014-cü il avqustun 1-dən Malidə “Barxan” sülhməramlı missiyasını həyata keçirir. Bu müddətdə Fransa ordusu 38 hərbi qulluqçusunu itirib.