Moskvada bacısını bıçaqlayaraq qətlə yetirən və onun bədənində müxtəlif ritual simvollar çəkən Leonid Qreyser Şerbinsk məhkəmə zalında tavandan qaçmaq istəyib.
Modern.az “Qafqazinfo”ya istinadən xəbər verir ki, hadisə polis əməkdaşlarının gözü önündə baş verib. Qreyser dəmir qəfəsliyin yuxarısına dırmanaraq tavana çıxıb. Polis onu ayağından tutaraq qaçmasının qarşısını almağa çalışıb. Ancaq hüquq-mühafizə orqanı əməkdaşlarına müqavimət göstərən məhkuma elektroşok verilib.O, 2 aylıq həbsə göndərilib.
Məhkəmədən verilən məlumata görə, “akvarium” bütün normalara cavab verib və Qreyser oradan yalnız öz bədəninin müqaviməti hesabına çıxa bilib.
