Sosial şəbəkələr, ictimai müzakirələr, media 9 fevral 2020-ci il tarixinə təyin olunmuş növbədənkənar parlament seçkisinə fokuslanıb. Seçki günü yaxınlaşdıqca, həyəcan, rəqabət, iddialar da artır.
Hazırda müzakirə olunan əsas mövzulardan biri 6-cı çağırış Milli Məclisin tərkibi ilə bağlıdır.
Kimisi özünü buraxmış 5-ci çağırış Milli Məclisin üzvlərini yenidən namizədliklərini irəli sürdüyünə görə qınayır və parlamentin tam şəkildə yeni deputatlardan təşkil olunmasını istəyir.
Kimisi də yenillərlə yanaşı, köhnələrdən də bəzilərini Milli Məclisdə görmək istəyir.
Növbəti parlamentin ancaq gənclərdən ibarət olmasını arzulayanlar da az deyil.
Modern.az saytının növbəti sorğusu “Yeni parlamentdə kimlər olsun?” adlanır.
Saytımızın əsas səhifəsindəki (sağdan aşağıda) “Sorğu” bölməsində “Yeni parlamentdə kimlər olsun” sualına cavab vermək üçün sizə təqdim edilən cavablardan birinə səs verməyiniz xahiş olunur.
“Sorğu” bölməsində aşağıdakı cavablar qeyd edilib:
Yaşlılar
Orta yaşlılar
Gənclər
Qarışıq yaşlarda olanlar
Köhnə deputatlar olmasın
Həm köhnə, həm də yeni deputatlar olsun
