Modern.az Rusiya mətbuatına istinadən məlumat verir ki, bu ölkənin Çinlə sərhəddə yerləşən 20 min kəndinin əhalısı maddi çətinliklər ucbatından yaşayış məntəqələrini tərk edib. Həmin kəndlərdə yalnız qocalar qalıb. Bu isə Rusiya hökumətini bərk narahat edib.
Rusiya mətbuatının yazdığına görə, boşalan kəndlərin Çinlə sərhəd ərazidə yerləşməsi, sıravi çinlılərin bölgəyə axınından rahatsız olan hökumət qabaqlayıcı tədbirlərə əl atır. Artıq çinlilər bölgədən tamamilə evakuasiya olunublar. Kəndlərini tərk edən sakinlərin geri qaytarılmasından ötrü də hökumət səviyyəsində xüsusi proqram hazırlanmaqdadır.
Rusiya mətbuatının məlumatına görə, kəndlərin boşalması nəticəsində Sibir və Uzaq Şərqdə 40 milyon hektardan artıq əkinə yararlı torpaq sahəsini əkib-becərən yoxdur.
