Ukraynada yaşayan keçmiş Gürcüstan prezidenti Mixail Saakaşvili növbəti açıqlamaları ilə gündəmə gəlib. Modern.az xəbər verir ki, “Mtavari Arxi” (Əsas kanal) telekanalına müsahibə verən siyasətçi Gürcüstanın Avropa Birliyi ilə vizasız rejim barədə saziş imzalamasını səhv adlandrıb.
O həmçinin, 2008-ci ilin “5 günlük” döyüşlərindən sonra İsveç və Polşa xarici işlər nazirləri ilə birlikdə vizasız rejimin tətbiqinə başladıqlarını da əlavə edib.
“Gürcülər kütləvi şəkildə Avropaya axın edir. Kutaisi aeroportunda oturan dəlisov avstriyalı polis isə vətəndaşları üzdən yoxlayır. Məhz mənim iştirakımla Avropa Birliyi ilə vizasız rejim təklifi hazırlandı. Amma indi özüm-özümü lənətləyirəm ki, bunu etdim. Axı vətəndaşlarımız Avropaya kütləvi axın edir”.
Gürcüstanda barəsində 2 həbs hökmü olan Saakaşvili tezliklə ölkəyə dönəcəyini də anons edib.
