Qanlı 20 Yanvar hadisəsinin törədilməsindən 30 il ötür. Günahsız, əliyalın xalqa qarşı törədilən bu qətliamın yarası heç vaxt qaysaq bağlamayacaq. O gün canını vətən yolunda qurban edən şəxslər əslində ölmədi, şəhidlik zirvəsinə ucaldı. Necə deyərlər, insan öləndə unudulmur, unudulanda ölür. Bu faciənin qurbanları isə heç vaxt ölməməlidir.
Bəs maraqlıdır, şəhər sakinləri, qocalar, gənclər və uşaqlar 20 Yanvar faciəsini necə xatırlayır, necə təsvir edir?
Modern.az bu ağrılı suala cavab tapmaq üçün şəhər sakinləri arasında sorğu keçirib.
