Goranboyda yol nəqliyyat hadisəsi baş verib.
Modern.az APA-ya istinadla xəbər verir ki, hadisə Bakı-Qazax magistral yolunun rayonun Nadirkənd kəndindən keçən hisssəsində qeydə alınıb. Belə ki, hərəkətdə olan “VAZ-2106” markalı minik avtomobili "KamAZ" markalı yük avtomobilinə çırpılıb.
Nəticədə "VAZ-2106"nın sürücüsü, 1961-ci il təvəllüdlü Həsənov Nazim Məhəmmıd oğlu ağır xəsarət alıb. Yaralı xəstəxanaya aparılıb. Onun vəziyyətinin ağır olduğu bildirilir.
