72 saylı Yardımlı-Masallı seçki dairəsindən deputatlığa namizəd Musa Qasımlı Yardımlı-Masallı rayonlarında görüşlərini davam etdirib.
Modern.az xəbər verir ki, deputatlığa namizəd yanvarın 24-nə olan təbliğat- təşviqat kampaniyasını əraziyə yağan bərəkətlə - qarla başlayıb.
Deputatlığa namizəd Bozayran kəndində görüş keçirib. Seçicilərin istəklərini dinləyib. Həm ağsaqqallar, həm də gənclər seçimlərini etdiklərini, səslərini Musa Qasımlıya verəcəklərini bildirdilər.
Deputatlığa namizəd tanınmış ziyalıların, təsərrüfat rəhbərlərinin çıxdığı bu kəndin əhalisinə böyük hörmət və ehtiramını bildirib.
Musa Qasımlı görüşdən sonra Bilnə kəndinə gedib. Orta məktəb müəllimi Əlihüseyn Paşayevin həyat yoldaşı, jurnalist dostu Elşad Paşasoyun anasının hüzr məclisində iştirak edib.