Türkiyənin “Turkcell”, “Vodafone” və “Türk Telekom” mobil operatorları Elazığ şəhərində baş verən güclü zəlzələdən sonra orada yaşayan vətəndaşlara pulsuz internet və danışıq dəqiqələri verib.
Modern.az xəbər verir ki, bu barədə hər üç mobil operator "Tvitter"də yazıb. Onlar bu addımı zəlzələ ərazisində olan müştərilərinin bir-biriləri ilə rahat əlaqə saxlamaları məqsədi ilə atıb.
Qeyd edək ki, ən son məlumata görə, zəlzələ nəticəsində 4 nəfər ölüb, 80-dən çox insan yaralanıb.
