Azərbaycanın tanınmış aktyoru, əməkdar incəsənət xadimi, xalq artisti Cahangir Novruzov Rusiyanın Çernoqolovka şəhərində olub.
Modern.az-ın məlumatına görə, Çernoqolovka şəhərində yerləşən məktəbin direktoru Qalina Vldimirovna Cahangir Novruzovu məktəbə dəvət edib.
Türkiyədən məktəbə dəvət olunan tanınmış aktyor bu il ali məktəblərə qəbul olunmaq üçün sənəd verəcək şagirdlər qarşısında mühazirə oxuyub.
Cahangir Novruzov bildirib ki, həyatda hər kəsin hədəfi məqsədə çatmaqla bağlı olmaqdır:
“Çünki məqsədə çatmaq üçün mütləq ona doğru addımlamaq lazımdır. Bu zaman hər kəs öz yolunu tapacaq”.
Mühazirənin ardınca Cahangir Novruzov şagirdlərin ona ünvanlanan suallarını cavablandırıb.
Xalq artisti dahi İmaməddin Nəsiminin “Sığmazam” qəzəlini də şagirdlər qarşısında səsləndirib.
Məktəb kollektivi Cahangir Novruzovun çıxışlarını alqışlayıb.
