İranın dini lideri Əli Xameneyi ABŞ-ın təklif etdiyi “Əsrin müqaviləsi”ni axmaqlıq adlandırıb.
Modern.az xarici KİV-ə istinadən xəbər verir ki, dini lider İran inqilabının 41-ci ildönümü münasibətilə paytaxt Tehranda təşkil olunan proqramda etdiyi çıxışda ABŞ-ın qondarma sülh planı ilə bağlı qiymətləndirmə edib. O, "Əsrin müqaviləsi"ni sonu olmayan və düşünülməmiş bir plan kimi təqdim edib.
“Amerikalılar ilə yəhudilər özlərinə aid olmayan məsələ barədə razılığa gəliblər. Fələstin fələstinlilərindir, siz kimsiniz axı Fələstin haqqında qərar alırsınız?” - deyən Xameneyi müqavilənin uğursuz nəticələnəcəyini bildirib.
