“ATƏT-in Minsk Qrupunun avazı yaxşı gəlir, oxuduğu Quran olsa. Belə bəyanatlara o vaxt yaxşı baxaram ki, əvvəlkilər də gərək yerinə yetirilə”.
Bu fikirləri Modern.az-a açıqlamasında Dağlıq Qarabağın Azərbaycanlı İcmasının üzvü Bayram Səfərov ATƏT-in Minsk Qrupunun son Qarabağ danışıqlarından sonra tərəflərin sülhə hazırlanması ilə bağlı verdiyi bəyanata münasibət bildirərkən deyib.
Bayram Səfərovun sözlərinə görə, beynəlxalq təşkilatın məqsədi aydındır:
“ATƏT-in Minsk Qrupunun xalqları sülhə hazırlamaqda məqsədi var. Bu qurum vaxt qazanmaq istəyir. Həmsədrlər oturub yeyib-içir və maaşını da alır. Ermənistana da dəstək verirlər. Bizim isə gözləməyə vaxtımız yoxdur”.
İcma üzvü işğal altındakı torpaqlara qayıtmaq istəyini də dilə gətirib:
“Bircə şeyi dəqiq bilirəm. Ali Baş Komandanın əmri ilə Azərbaycan əsgəri öz işini görməyincə biz torpaqlarımıza yığışa bilməyəcəyik”.
