Rusiya Dövlət Dumasının hakim “Yedinaya Rossiya” Partiyasından olan deputatı Ayrat Xayrullin helikopter qəzasında həlak olub.
Modern.az Azərtac-a istinadən xəbər verir ki, A.Xayrullinlə birlikdə helikopterdə olan köməkçisi və pilot ağır vəziyyətdə xəstəxanaya yerləşdiriliblər.
Qəzaya əlverişsiz hava şəraitinin səbəb olduğu bildirilir.
Ayrat Xayrullin 2007-ci ildən Dövlət Dumasının bir neçə çağırış deputatı seçilib. Dumanın Aqrar məsələlər komitəsinin sədr müavini olub. A.Xayrullin Rusiyanın zəngin şəxslərindən biridir. 2019-cu ildə “Forbes” jurnalı onun varidatını 158,88 milyon rubl qiymətləndirib.