Modern.az

Ramil Səfərov bayramda ailəsinə zəng edib

Ramil Səfərov bayramda ailəsinə zəng edib

5 Yanvar 2010, 12:34

Macarıstanın Budapeşt şəhərindəki həbsxanada ömürlük cəza çəkən azərbaycanlı zabit Ramil Səfərov Yeni il bayramında ailəsinə zəng edib. Atası Sahib Səfərov Modern.az-a bildirib ki, oğlu ilə mütəmadi əlaqə saxlayır, vəziyyəti yaxşıdır: “Yeni il bayramında Ramil bizə zəng edib təbriklərini çatdırdı. Səhhətinin normal olduğunu, heç bir şikayətinin olmadığını dedi”. Sahib Səfərov deyib ki, Ramilin bəzi dost-tanışları da onları yada salır: “Hamısına minnətdaram, bizi yaddan çıxarmırlar. Həmişə diqqətdə saxlayıblar”. Qeyd edək ki, R.Səfərovun anası Nübar Səfərova ötən ilin oktyabrında xərçəng xəstəliyindən dünyasını dəyişib.

Xatırladaq ki, Ramil Səfərov 2004-cü il yanvarın əvvəlində Macarıstanın paytaxtı Budapeştə NATO-nun "Sülh naminə tərəfdaşlıq" Proqrami çərçivəsində kursa göndərilmişdi. O, həmin il fevralın 19-da eyni kursda təlim keçən erməni zabit Qurgen Markaryanı Azərbaycan bayrağını  təhqir elədiyinə görə öldürdüyündən ömürlük həbs cəzası alıb.

 

 

 

Instagram
Gündəmdən xəbəriniz olsun!
Keçid et
Ukraynadan Rusiyaya ardıcıl zərbələr: Vəziyyət kritikdir