Modern.az-ın məlumatına görə, sabah paytaxtın Sabunçu və Xəzər rayonlarının qaz təchizatında məhdudiyyətlər olacaq. Bu barədə Dövlət Neft Şirkəti sakinlərə xəbərdarlıq edib.
Bildirilib ki, təmir işləri ilə əlaqədar olaraq 17 aprel 2012-ci il tarixdə saat 10.00-dan “Zabrat-2” Qazpaylayıcı Stansiyasından təbii qaz təchizatı dayandırılacaq. Təmir işləri müddətində Xəzər rayonunun Buzovna və Albalılıq, Sabunçu rayonunun isə Zabrat, Maştağa və Nardaran qəsəbələrinə təbii qazın verilişində fasilələr yaranacaq.
Modern.az
