Türkiyədə son bir sutkada yeni növ koronavirusdan (COVID-19) daha 87 nəfər dünyasını dəyişib.
Modern.az xəbər verir ki, bu barədə Türkiyənin Səhiyyə naziri Fəxrəddin Qoca "Twitter" səhifəsində yazıb.
Nazir bildirib ki, son 24 saatda 24 900 şübhəli koronavirus testindən keçib: "Onlardan 4117 nəfərinin cavabı pozitiv çıxıb. Türkiyədə yeni növ koronavirusdan indiyədək 812 nəfər ölüb. Cəmi 38 226 nəfər isə bu infeksiyaya yoluxub. Onlardan 1492 nəfəri reanimasiyadadır, 1846 nəfərin isə müalicəsi müsbət nəticə verib. Bu gün müalicə olunan 264 xəstə evə buraxılıb".
Nazir qeyd edib ki, Türkiyədə indiyə qədər 247 768 nəfər testdən keçib.
