Dövlət Təhlükəsizliyi Xidməti (DTX) İmişli Rayon İcra Hakimiyyətinin icra başçısı Vilyam Hacıyevin həbsinin görüntülərini yayıb.
Modern.az xəbər verir ki, mayın 5-də məhkəmənin qərarı əsasında DTX tərəfindən Vilyam Hacıyevin xidməti və yaşadığı ünvanlarda əməliyyat-istintaq tədbirləri həyata keçirilib.
Əməliyyat zamanı həbs olunan icra başçısının mənzilindən külli miqdarda iki yeşik yerli və xarici valyuta götürülüb.
Həmçinin Vilyam Hacıyevə məxsus evin qarajında "Bentley" və "Range Rover" markalı bahalı avtomobillər aşkarlanıb.
