Mingəçevirdə avtomobilin kütləyə çırpılması nəticəsində 10-u uşaq olmaqla, 13 nəfərin xəsarət aldığı qəza ilə bağlı rəsmi açıqlama verilib.
"Tibbi Ərazi Bölmələrini İdarəetmə Birliyi"nin ( TƏBİB) mətbuat katibi Rəvanə Əliyeva Modern.az-a bildirib ki, qəzada xəsarət alanlardan 10 nəfəri uşaqdır:
"10 nəfərdən bəzilərinə tikiş qoyulub, bəzilərinə ilkin yardım göstərilib və evə buraxılıblar. Hazırda xəstəxanada olan 4 uşağın ikisinin vəziyyəti ağırdır. Onlara kəllə-beyin travması qoyulub. Digər 2 uşağın vəziyyəti isə orta-ağırdır".
