"İstanbulda erməni kilsəsinə edilən təxribat xarakterli hücum bizi dərindən kədərləndirdi".
Modern.az xəbər verir ki, bunu Türkiyə Prezidenti Administrasiyasının İctimaiyyətlə əlaqələr şöbəsinin rəhbəri Fəxrəddin Altun Tvitter hesabında qeyd edib.
O bildirib ki, fərqli inancdan asılı olmayaraq, vətəndaşlarımızın birliyini pozmağa çalışan istənilən hərəkətin qarşısında möhkəm dayanacağıq:
“Bu alçaq hücuma görə Surp Qriqori erməni kilsəsi vəqfinin sədri Edvard Eyvazyanla əlaqə saxladım və kədərimi ifadə etdim. Baş verən hadisəyə hüquqi qiymət verilməsi üçün çalışacağıq. Hər zaman vətəndaşlarımızın hüquqlarını qoruyacağıq”.
