Bu səhər Haitidə dəhşətli zəlzələ baş verib. Modern.az-ın xarici KIV-ə istinadən verdiyi xəbərə görə, dağıdıcı zəlzələnin qurbanlarının sayı 1000-ə çatıb. İlkin hesablamalara görə, 3 milyon insan yeraltı təkanlardan zərər çəkib və ya maddi ziyana məruz qalıb.
Zəlzələnin gücü Rixter şkalası üzrə 7 bal gücündə olub. Daha sonra 5,9 və 5 bal gücündə təkanlar baş verib. Haitinin prezident sarayı qismən dağılıb, BMT nümayəndəliyi binası zərər çəkib. Yaponiya səfirliyi və Dünya Bankının nümayəndəliyi dağılıb. BMT-nin bir sıra nümayəndələrinin itkin düşdüyü bildirilir. Hazırda ölkə xilasetmə işlərinə cəlb olunub.
Bu səhər Amerika Haitiyə xüsusi xilasedici briqadalar göndərib.
