İyunun 14-də Monteneqroda 1 nəfərdə koronavirus (COVID-19) qeydə alınıb.

Modern.az xəbər verir ki, may ayının 25-dən dünənə kimi ölkədə bu infeksiyaya yoluxma aşkarlanmırdı. 

Hətta həmin tarixdə Monteneqronun prezidenti Milo Cukanoviç özünün tvitter səhifəsində "Monteneqro koronavirusa uğurla qalib gəlib, ölkədə qeydə alınmış yoluxma qalmayıb” yazaraq, uğurlu nəticənin Monteneqro dövlət orqanlarının və cəmiyyətin yüksək məsuliyyəti sayəsində əldə edildiyini vurğulamışdı.

Qeyd edək ki, mayın 25-dək Monteneqroda infeksiyaya yoluxmuş 324 nəfərdən 9-u vəfat edib, 315 xəstə isə sağalaraq evə buraxılmışdı. Ümumdünya Səhiyyə Təşkilatı (ÜST) isə Monteneqronu koronaviruslu ölkələr siyahısında sıfır göstərici ilə işarələmişdi.

T.İSMAYIL