Ermənistanın üzv olduğu Kollektiv Təhlükəsizlik Müqaviləsi Təşkilatının Daimi Şurası təcili iclasa toplanır. Modern.az xəbər verir ki, KTMT-nın Baş katibi Stanvislav Zas iclasın videokonfrans şəklində keçirilməsini təklif edib.
“İyulun 12-də Azərbaycan-Ermənistan sərhəddində, Tavuş istiqamətində gərginliyin artması ilə bağlı iyulun 13-də KTMT Baş katibi Stanislav Zasın təşəbbüsü ilə Daimi Şuranın təcili iclası keçiriləcək. İclas videokonfrans formatında baş tutacaq”- deyə KTMT-nın mətbuat katibi Vladimir Zayneddinov deyib.
Xatırladaq ki, Kollektiv Təhlükəsizlik Müqaviləsi Təşkilatına Ermənistan, Rusiya, Qazaxıstan, Belarus, Qırğızıstan və Tacikistan daxildir.
