Fəxri Müslüm
Taleyinə mərdlik, qeyrət yazıldı,
Min kədər yazıldı, min dərd yazıldı,
Bütöv vətənimiz, min yurd yazıldı,
Öpüb, bu torpağa üz qoydun, Paşam.
Başının üstündən çən, duman keçdi,
Gecən, gündüzün də, pis, yaman, keçdi,
Bilmədin, ömür də, nə zaman keçdi,
Səngərdən, səngərə, diz qoydun, Paşam.
Nə dərə bilmədin, nə dağ bilmədin,
Çəkdin qılıncını, sol, sağ, bilmədin,
Dağlamamış cannı, dağ-dağ, gəlmədin,
Komuna od vurub, köz qoydun, Paşam.
Həmişə əsgərin önündə getdin,
Tanrı qəzəbində, kinində getdin,
Havanın bozunda, çənində getdin,
Yeni bir yol açdın, iz qoydun, Paşam.
Düşmənə görk oldu, dərs oldu biraz,
Yolları, izləri, tərs oldu biraz,
Hər adın gələndə, bəs oldu, biraz,
Yarıb, yarasına duz qoydun, Paşam.
Çiyinlər dik durdu, El də, dik durdu,
Yüklənib şehindən, güldə yük, durdu,
Hər kəs ayaq üstdə, hər kəs bərk durdu,
Hələ, yazılmamış, söz qoydun, Paşam.
Vəndamın çayında, balıq, yayındı,
Heç də, gözləmirdi, xalıq yayındı,
Dərib göz yaşını,
Ana əllərində yaylıq, yayındı,
Sevgidən bir heykəl, öz qoydun, Paşam.
Taleyinə mərdlik, qeyrət yazıldı,
Min kədər yazıldı, min dərd yazıldı,
Bütöv vətənimiz, min yurd yazıldı,
Öpüb, bu torpağa üz qoydun, Paşam.
17.07.2020.
Indi, şükür etmək zamanıdımı.
Düz otuz ildir ki, əlimiz bağlı,
Dodaq yer süpürdü, dilimiz bağlı,
Sinir, dar ağacı, belimiz bağlı,
Indi, şükür etmək zamanıdımı!
Düşmən qonmuş dağın, qaşı, sızladı,
Xiffətdən boğulan daşı, sızladı,
Çeşməmin gözünün yaşı, sızladı,
Indi, şükür etmək zamanıdımı!
Daha can isitmir “Göyçənin gülü,”1
Hirsindən göyərib Göyçənin gölü,
Qocalıb, qarıyıb ocağı, külü,
Indi, şükür etmək zamanıdımı!
Çırmanıb, yayxanıb şərin ucunda,
Mənə, acıq verir burnum ucunda,
Nə vaxta, bu oxun, durum ucunda!?
Indi, şükür etmək zamanıdımı!
Cəbrayıl, Xan Şuşam, Kəlbəcərimdi,
Hələ, gözənməyən, yara yerimdi,
Nə qədər deyək ki, Allah kərimdi,
Indi, şükür etmək zamanıdımı!
Hər gün, sürü-sürü, Laçından keçir,
Sanki, susuzluqdan, acından keçir,
Dişi, ayağımdan, qıçımdan keçir,
Indi, şükür etmək zamanıdımı!
Əsir yurdlarımın gözü yoldadır,
Vədi qalmağalda, sözü qaldadır,
Sülhdü, nəmənədi, bizi aldadır,
Indi, şükür etmək zamanıdımı!
Hələ, yallı gedir, Cıdır düzümdə,
Qurub, binələnir, çadır, düzümdə,
Silinib yaddaşım, itib izim də,
Indi, şükür etmək zamanıdımı!
Dünyanın tək bircə, Qarabağı var,
Üstündə saqqallı, qara, yağı, var,
Neçə, sinədağı, yara dağı, var,
Indi, şükür etmək zamanıdımı!
Ömür, yavaş-yavaş əriyib gedir,
Yaşdıda taqət yox, kiriyib gedir,
Virus da, bir yandan, kürüyüb, gedir,
Indi, şükür etmək zamanıdımı!
Düz otuz ildir ki, əlimiz bağlı,
Dodaq yer süpürdü, dilimiz bağlı,
Sinir, dar ağacı, belimiz bağlı,
Indi, şükür etmək zamanıdımı!
12.07.2020.
“Göyçənin gülü,”1-“Göycəgülü” saz havası
Fəxri Müslüm
Mənim, Ay-ulduzlu, Azərbaycan əsgərim.
Yürü, sənin yolun, haqq yoludu, haqqdı, haqq!
Ömür-gün ələndi, zaman keçdi, vaxtdı, vaxt!
Səbr də, daraldı, bu taledi, baxtdı, baxt!
Mənim, Ay-ulduzlu, Azərbaycan əsgərim.
Bu yurd da, vətən də, durub, ayaq üstədir,
Həsrət gözü yorub, qulaqlar da, səsdədir,
Arxanca bütöv xalq, topardı, yol üstdədir,
Mənim, Ay-ulduzlu, Azərbaycan əsgərim.
Üzündə, gözündə Alparslanın zəhmi var,
Səngərdən, səngərə, qəhramanlıq, fəhmin var,
Bilirəm, sən türksən, nahaq yerə, rəhmin var,
Mənim, Ay-ulduzlu, Azərbaycan əsgərim.
Göz var, gecəsini diri açdı, dan, üzdü,
Əsgərim, zabitim, şəhid oldu, can üzdü,
Kimdi, bu naxələf, zaman aldı, an üzdü!?
Mənim, Ay-ulduzlu, Azərbaycan əsgərim.
Sən, Tanrı dağına, ulu kökə bağlısan,
Tarixən çəkdiyin, ağır yükə bağlısan,
Neçə zirvələrə, neçə dikə bağlısan,
Mənim, Ay-ulduzlu, Azərbaycan əsgərim.
Vətən şəhidinin, qanı yerdə qalmasın,
Alın yad nəfəsi, yurda, tamah salmasın,
Ölsək də, bu millət, bir də, darda qalmasın,
Mənim, Ay-ulduzlu, Azərbaycan əsgərim.
Inam da sənindi, güc, qüvvət də, sənindi,
Təpər də sənindi, bu qeyrət də, sənindi,
Yadı, çaşbaş edən, bu heyrət də, sənindi,
Mənim, Ay-ulduzlu, Azərbaycan əsgərim.
Toxala alağın, dibindən vur, bitməsin,
Bu bağda, baxçada, qanqal olub, ötməsin,
Bir də, bu torpağın, bərəkəti itməsin,
Mənim, Ay-ulduzlu, Azərbaycan əsgərim.
Yürü, sənin yolun, haqq yoludu, haqqdı, haqq!
Ömür-gün ələndi, zaman keçdi, vaxtdı, vaxt!
Səbr də, daraldı, bu taledi, baxtdı, baxt!
Mənim, Ay-ulduzlu, Azərbaycan əsgərim.
15.07.2020
