Niderland Krallığındakı Azərbaycan diaspor təşkilatlarının birgə təşkilatçılığı ilə Azərbaycan Ordusuna dəstək və Ermənistanın təcavüzkar siyasətinə etiraz olaraq aksiya keçirilib.
Modern.az xəbər verir ki, bu barədə məlumatı Hollandiya-Azərbaycan Türk Mədəniyyət Dərnəyinin sədri İlhan Aşkın verib. Diaspor üzvü aksiyanın Den Haqq şəhərində yerləşən Niderland parlamenti qarşısında baş tutduğunu bildirib.
Aksiya iştirakçıları Ermənistanın işğalçılıq siyasətini pisləyən şüarlar səsləndirib, dünya birliyindən Ermənistanın təcavüzkar siyasətinin dayandırılması istiqamətində lazımı adımlar atmaq tələb olunub.