"Səbail" daha bir futbolçusu ilə yollarını ayırıb.
Modern.az-ın məlumatına görə, kapitan Eltun Yaqublu bakılılarla vidalaşıb.
Müqavilə müddəti başa çatan 29 yaşlı müdafiəçi ilə yeni sözləşməyə ehtiyac duyulmayıb. "Səbail" ayrılığı bir cümlə ilə açıqlayıb: "Dörd gözəl və emosional mövsüm üçün təşəkkür edirik".
Qeyd edək ki, baş məşqçi Aftandil Hacıyevlə yeni müqavilə bağlayan "Səbail" Fəhmin Muradbəyli, Ruslan Hacıyev, Maykl Essyen və Şəhriyar Rəhimovu yola salıb.
