Litvanın baş naziri Ardryus Kubilyusun 25 yaşlı oğlu işsizdir. Modern.az-ın xarici mətbuata istinadən xəbər verir ki, hökumət başçısının kiçik oğlu Andryus artıq 6 aydır ki, Əmək birjasına gedir. Litvanın “Delfi” agentliyinin məlumatına görə, 2009-cu ilin mayından başlayaraq baş nazirin oğlu özünə iş tapa bilmir. Bir neçə aydır ki, Andryus işsizliyə görə müavinət alıb, daha sonra o təklif olunmuş kulinariya kursunu keçib və təqaüd alıb. Litva baş nazirinin oğlu hesab edir ki, Əmək birjasının işi kifayət qədər qeyri-effektivdir. Özünə müvafiq iş tapa bilməyən Andryus kömək üçün atasına müraciət etmək istəmir, özü iş tapacağını deyir. Litva baş nazirinin böyuk oğlu isə “Media Contacts” şirkətinə rəhbərlik edir.