Rusiyadakı erməni diasporunun əsas liderlərindən biri Levon Mukanyan Azərbaycan-Ermənistan sərhəddində baş verən toqquşma barədə danışıb.
Modern.az xəbər verir ki, “Patriot” mediaqrupuna danışan diaspor rəhbəri Ukraynanın bu konfliktdə Azərbaycana dəstək olmasına təəccüblənmədiyini deyib.
“Ukraynalılar Qarabağ münaqişəsi başlayanda da 90-cı illərdə azərbaycanlıları dəstəkləyib. Azərbaycan ordusunda çoxsaylı ukraynalı pilotlar xidmət edib. Məncə, ukraynalılar həmişə azərbaycanlıları ermənilərdən çox seviblər, Azərbaycanyönlü olublar. Ona görə də rəsmi Kiyevin açıqlamasına təəccüblənmədim. Dünyada ikili standartlar həmişə olub”-deyə Mukanyan gileylənib.
