ABŞ dünyada koronavirusa qarşı effektiv dərman sayılan remdesivirin 90% ehtiyatlarını satın alıb. Modern.az xarici KİV-ə istinadən xəbər verir ki, məlumatı ABŞ prezidenti Donald Tramp təsdiqləyib.
“Mənim administrasiyam koronavirusa qarşı effektiv olan remdesivir dərmanının 90%-lik dünya ehtiyatlarını əldə edib”.
Kaliforniyada yerləşən “Gilead Sciences” bioşirkətinin hazırladığı dərmanın 500 min dozu Ağ Ev administrasiyası tərəfindən alınıb. Bu şirkətin istehsal etdiyi dərman həcminin 90%-idir. Nəticədə, xarici ölkələrin şirkətdən remdesivir alması xeyli çətinləşib.
Ebola virusuna qarşı hazırlanmış dərman klinik sınaqlar zamanı koronavirusa qarşı effektiv olduğu, virusun çoxalmasının qarşısını uğurla aldığı sübut olunmuşdu.
