Bu gün Ukrayna Prezidenti Vladimir Zelenski Rusiya Prezidenti Vladimir Putinlə Donbasda iyulun 27-dən başlayacaq atəşkəslə bağlı razılaşmanın reallaşdırılması ilə əlaqədar müzakirə aparıb.
Modern.az-ın “ukrinform.ru” saytına istinadən verdiyi məlumata görə, bu barədə Ukrayna Prezidentinin mətbuat xidməti məlumat yayıb.
Ukrayna Prezidentinin təşəbbüsü ilə keçirilən telefon danışığı zamanı Rusiya Prezidenti razılaşmanı dəstəklədiyini bildirib. Prezidentlər Donbasda atəşkəs rejiminin dəstəklənməsi üçün təcili əlavə tədbirlərin reallaşdırılması barədə razılığa gəliblər.
