Respublikaçı Alternativ partiyasının onlayn formatda təsis qurultayı keçirilib.
Modern.az xəbər verir ki, partiyanın üzvü Natiq Cəfərli qurultayda 100-ə yaxın nümayəndənin iştirak etdiyini bildirib.
Natiq Cəfərli qeyd edib ki, qurultayın əsas sənədləri - nizamnaməsi və proqramı qəbul edilib: ”Qurultay partiyanın 6 nəfərdən ibarət siyasi komitəsini seçdi və 5 nəfərdən ibarət nəzarət təftiş komissiyası seçildi. Nizamnaməyə uyğun olaraq partiyanın siyasi komitəsi növbəti toplantısında partiyanın sədrini və icra qurumlarını seçəcək. Əldə olunan sənədləri yaxın zamanda Ədliyyə Nazirliyinə təqdim edəcəyik”.
