Hollandiyada bir həftə ərzində yeni növ koronavirusa (COVID-19) yoluxma hallarının 95 faiz artdığı bildirilir.
Modern.az xəbər verir ki, Hollandiya Səhiyyə Nazirliyinin Dövlət Sağlamlıq və Ətraf Mühit İnstitutu (RIVM) tərəfindən yayımlanan həftəlik məlumatlara görə, 29 iyul-4 avqust tarixlərində ölkədə 2 min 588 yeni yoluxma aşkar edilib.
COVID-19-a gündə orta hesabla 370 nəfərdə aşkar edilsə də, yoluxma sayı 95 faiz artıb. Ümumilikdə isə Hollandiyada virusa yoluxma sayı 55 min 955-ə yüksəlib, ölənlərin sayı 6 min 150-ə çatıb
RIVM-dən edilən yazılı açıqlamada COVID-19 səbəbiylə xəstəxanaya yerləşdirilənlərin sayının keçən həftə 23, bu həftə isə 44 nəfər artdığı ifadə edilib.
Qeyd edək ki, son zamanlarda yoluxma halların sayının ən çox artması Amsterdam və Rotterdamdakı ticarət mərkəzlərində müşahidə olunub. Belə qapalı məkanlarda avqustun 5-dən etibarən maska taxmaq məcburiyyəti olacaq.
Nargilə HƏSƏN
