Modern.az

Bu gün dünyada internet bağlanacaq?

Bu gün dünyada internet bağlanacaq?

9 İyul 2012, 10:49

Bu gün - iyulun 9-da dünyada bir neçə yüz min istifadəçi internetə çıxışdan məhrum ola bilər. Məlumatlara görə, ABŞ Federal Təhqiqatlar Bürosu (FTB) DNS Changer virusuna yoluxan kompüterlərə xidmət göstərən müvəqqəti DNS-serverləri şəbəkədən ayıracaq. Bu, ümumilikdə dünya üzrə 300 mindən çox istifadəçiyə aid ola bilər.  

Ötən ilin noyabrında FTB əməkdaşları altı Estoniya vətəndaşını internet şəbəkəsində fırıldaqçılıqda və dünyada minlərlə kompüterin DNS Changer virusuna yoluxdurmaqda şübhəli bilərək həbs edib.    FTB-in məlumatına görə, hakerlər bu virusdan istifadəçiləri onlar tərəfindən reklam elanlarının yerləşdirildiyi öz veb-saytlarına yönəltmək üçün istifadə ediblər. Bu resurslarda reklam informasiyasına baxış sayına görə hakerlər pul alıblar və bu minvalla 14 milyon dollara yaxın vəsaiti qeyri-qanuni mənimsəyiblər.  Haker şəbəkəsini ifşa edən FTB yoluxmuş kompüterlərin dərhal internetdən ayrılmasının qarşısını almaq və istifadəçilərə faylları viruslardan təmizləməyə vaxt vermək üçün sərəncamında olan resursları qısa müddət ərzində fəallaşdırmağa başlayıb və virusa yoluxmuş serverləri (viruslu kompüterlərin şəbəkəyə yalnız bu serverlər vasitəsilə daxil olanları) müsadirə edərək onları əvəzləyib.   İyulun 9-da FTB müvəqqəti serverləri bağlayacaq və buna görə dünyadakı internet istifadəçilərini kompüterlərdə virusun olub-olmamasını yoxlamağa çağırıb. Büro bu məqsədlə xüsusi sayt (www.dcwg.org) yaradıldığını da bildirir.   

Modern.az

Youtube
Kanalımıza abunə olmağı unutmayın!
Keçid et
Hərbi gəmilər döyüşə hazır vəziyyətə gətirildi