27 sentyabrdan başlayaraq, şanlı ordumuz tərəfindən Qarabağda həyata keçirilən əks-hücum əməliyyatlarından sonra torpaqlarımız uğrunda Şəhid olanların yerinə yeni oğlanlar doğulur.
Artıq yeni doğulan uşaqlara torpaqlarımızın azadlığı yolunda qəhrəmanlıq göstərən igidlərimizin adı verilir. Ekspertlər bir müddətdən sonra bu halın kütləviləşəcəyini deyirlər.
Ədliyyə Nazirliyinin mətbuat xidmətindən Modern.az-ın sorğusuna cavab olaraq bildirib ki, 27 sentyabrdan 27 oktyabradək Azərbaycanda 2353 uşaq dünyaya gəlib.
Onlardan 1282 nəfəri oğlan, 1071 nəfəri qızdır. Bu müddət ərzində respublikamızda 28 əkiz uşaq doğulub.
Rəsmi məlumata görə, oğlanlara verilən adlar içərisində Uğur adı üstünlük təşkil edir. Hansı ki, əvvəlki dövlərdə ilk üçlükdə Yusif, Əli, Hüseyn adları yer alırdı. 1 ay içərisində isə oğlan uşaqlarına verilən adların ilk üçlüyünə Uğur da da daxil olub.
Belə ki, bir ay ərzində 41 oğlana Yusif, 41 oğlana Əli, 36 oğlana Uğur adı verilib.
Qız adlarında isə ilk yerdə 40 sayla Zəhra, 39 sayla Aylin, 36 sayla Məryəm adı qərarlaşıb.
Ad | Say | Ad | Say | |||
YUSİF | 42 | ZƏHRA | 40 | |||
ƏLİ | 41 | AYLİN | 39 | |||
UĞUR | 36 | MƏRYƏM | 36 | |||
HÜSEYN | 32 | ZEYNƏB | 34 | |||
RAUL | 30 | MƏLƏK | 33 | |||
ÖMƏR | 28 | NİLAY | 28 | |||
MURAD | 28 | FATİMƏ | 26 | |||
TUNAR | 23 | NURAY | 25 | |||
İBRAHİM | 21 | LEYLA | 24 | |||
MƏHƏMMƏD | 19 | İNCİ | 24 | |||
RƏSUL | 17 | DƏNİZ | 21 | |||
ADƏM | 17 | MƏDİNƏ | 19 | |||
XƏDİCƏ | 19 | |||||