Məktəbəqədər təhsil müəssisələri və uşaq bağçalarının fəaliyyəti ənənəvi formada bərpa edilmir.
Modern.az-ın məlumatına görə, bunu Təhsil naziri Emin Əmrullayev bildirib.
Nazir qeyd edib ki, azyaşlı uşaqlara xüsusi qayğının onlayn göstərilməsi məqbul hesab edilmir:
“Amma hansısa bağça onlayn şəkildə fəaliyyət göstərmək istəyərsə, burada qeyri-qanuni nəsə yoxdur”.
E.Əmrullayev deyib ki, şagird yerdəyişməsindəki fasilə növbəti həftədən aradan qaldırılacaq.
Nazir bildirib ki, əvvəlki dövrlərdə müəyyən qeyri-müəyyənlik qeydə alınsa da, növbəti həftələrdən sistemin işə salınması mümkün olacaq.
