Ermənistan ordusu Azərbaycana qarşı separatçılardan yararlanmaqda davam edir.

Modern.az xəbər verir ki, bu dəfə Gürcüstanın Samtsxe-Cavaxeti bölgəsinin erməni separatçılarına rəhbərlik edən, Azərbaycan Baş Prokurorluğu tərəfindən oktyabrın 9-da haqqında cinayət işi açılmış Vaaqn Çaxalyan çağırış edib.

O, Gürcüstanın bu bölgəsində yaşayan erməniləri Qarabağda müharibəyə səsləyib. Çaxalyan ermənilərin döyüşdən əvvəl təlim keçəcəyini bildirib və qoşulmaq istəyənlər üçün əlaqə nömrəsini öz “Facebook” hesabında yerləşdirib.

 

Qeyd edək ki, Ermənistan və Türkiyə ilə sərhəddə yerləşən Samtsxe-Cavaxeti bölgəsində etnik ermənilər yaşayır. Onlar bu bölgənin Cavaxeti (ermənilər Cavaxk adlandırırlar – S.M.) hissəsinə iddia edirlər, həmin əraziyə muxtariyyət verilməsini və ya Ermənistana birləşdirilməsini tələb edirlər (oxu.az).

Ermənilərin Gürcüstan vətəndaşı olan etnik ermənilərin xidmətindən istifadə etməsi isə digər təhlükələrə yol açır. Heç kim zəmanət verə bilməz ki, Qarabağda hərbi təlimlərdə iştirak edən etnik ermənilər daha sonra Gürcüstan üçün təhlükə mənbəyinə çevrilməyəcək.