Modern.az

“Sülhməramlıların gəlişi rus hərbi bazası demək deyil” - İstiqlalçı deputat 

“Sülhməramlıların gəlişi rus hərbi bazası demək deyil” - İstiqlalçı deputat 

10 Noyabr 2020, 09:54

Milli Məclisin istiqlalçı deputatı Vahid Əhmədov  Azərbaycan xalqını təbrik edib.

 

Modern.az xəbər verir ki, Vahid Əhmədov Azərbaycan xalqının tarixi qələbəsinin unudulmaz günlər kimi yaddaşlarda qalacağını bildirib:

 

"Mən bütün xalqımızı, dünya azərbaycanlılarını, Ali Baş Komandanımızı və bizə bu qələbəni qanı canı ilə bəxş edən Azərbaycan ordusunu təbrik edirəm. Qürurlu tarixə şahidlik edirik.

 

30 ilə yaxın idi ki, bir milyona yaxın insanlarımız məcburi köçkün həyatı yaşayırdı. Şükürlər olsun ki,  şanlı tariximizi yazan rəşadətli Ordumuz, bizə bu xoşbəxtliyi yaşatdı. Biz kimsənin inanmadığı, heç kimin edə bilmədiyini gerçəkləşdirdik. Biz prezident İlham Əliyevin də dediyi kimi, dünyaya necə qüdrətli bir dövlət, əzmkar bir millət olduğumuzu sübut etdik. Biz millət və silahlı qüvvələr olaraq tarix kitablarına adımızı qızıl hərflərlə yazdırdıq. Yüz illərlə dünyanın çeşidli ölkələrində bizdən bəhs ediləcək, hər yerdə Azərbaycan adı gələndə köks ötürəcək. Bir sözlə, bu qələbini ifadə etməkdə söz acizdi”. 

 

Vahid Əhmədov  Qarabağda yerləşdirilən sülhməramlılara da münasibət bildirib:

 

“Yeri gəlmişkən, bölgəyə Rusiya sülhmərmalılarının gəlişindən əndişələnən soydaşlarımıza səslənirəm.  Heç kim narahat olmasın. Əvvəla, Rusiya doxsanıncı illərdəkindən fərqli olaraq bu əməliyyatlar dönəmində səmimiyyətini və digər vasitəçi dövlətlərdən, Ermənistanın aşkar-gizli havadarlarından fərqli olaraq neytrallığını qorumaqla Azərbaycanın səmimi dostu olduğunu və bizimlə strateji müttəfiqlik münasibətlərində olmaq istəyini ortaya qoydu. Eyni zamanda bölgəyə azsaylı sülhyaradıcı rus kontingentinin gəlməsi heç bir halda Rusiyanın Azərbaycanda yenidən hərbi baza yaratması kimi qiymətləndirilməsin. Bu sadəcə Türkiyə hərbçiləri ilə birlikdə məhdud sayda sülhmərmalı hərbçilərin mövcudluğundan ibarət olacaq. 

 

Bir vacib məqamı da unutmayaq ki, bölgədəki sülhün qarantı təkcə Rusiya deyil, bizi biz yapan qardaş ölkəmiz - Türkiyə də olacaq. Türkiyənin yeddidən yetmişədək bütün vətəndaşlarına sonsuz təşəkkürümü və minnətdarlığımı da bildirirəm və Ərdoğanın Türk dünyasının lideri adına haqq etdiyini qəbul edirəm. Türkiyə savaş dönəımində Azərbaycana verdiyi misilsiz mənəvi dəstəyinə görə hər birimizin qəlbində özünə əbədi yer qazandı. Eşq olsun Türkiyə-Azərbaycan qardaşlığına". 

Twitter
Sizə yeni tvit var
Keçid et
Ukraynadan Rusiyaya ardıcıl zərbələr: Vəziyyət kritikdir