Modern.az

İl var bir günə dəyməz, Gün var min aya dəyər…

İl var bir günə dəyməz, Gün var min aya dəyər…

9 Dekabr 2020, 09:04

Həmin günlər bu günlərdir. 2020-ci ilin möhtəşəm sonluğu. Hər günü müjdəli səhərlərlə açılan 44 gün.

  
Məmməd Araz, ruhun şad olsun ‘‘qoca vulkan‘‘ nəhayət oyandı. Azərbaycan igidləri sinəsini sipər edib düşmən önündə dayandı. Otuz ildə yollara həsrətlə baxan Xan qızları Ağabəyim ağa, Natəvanın nigarançılığına son qoyuldu. Onların nisgilli baxışlarına dözə bilməyən əmizadə- Ləri, Qarabağ şiri Məhəmməd bəy Cavanşirin ‘‘Batman qılıncı‘‘qınından sıyrıldı. Elə bir sıyrıldı ki, sağına-soluna baxmadan Şuşa qalasına yol aldı və düz yağının ürəyinə sancıldı. Onları təpədən  dırnağacan vəhşətə sardı. Yanlar yandılar, yandılar yaxıldılar. Bu tarixi taktiki gediş-dən düşmənin matı-qutu qurudu. Dünya hərbçilərini belə heyrətə saldı. Xalqın monolit birliyi bir yumruğa dönüb qəsbkarların ba şına çırpıldı.

 
Bu dəmir yumruqda birləşən iqtidar da, ordu da, uşaqlı-böyüklü bütün xalq da gözü yaşlı Şəhid anası da ‘hücum‘ dedi,‘atəş‘ dedi. Nəhayət, zəfər müjdəli xəbərlər bizi qürurlandırdı, qəlbimizi dağa döndərdi. Xarı bulbul başını dik tutdu. Sarı bulbul vəcdə gəlib zəfər zənguləsi vurdu.

    
Mən də sevinc göz yaşları içərisində həm ağladım, həm qürurlandım, ruhlandım. Sözlərim şeirə çevrildi:

    

                                Qarabağı aldı ordu                                           

                                Qəlbimiz qürurla doldu.                   

                                ‘Vətən bağı‘ əlvan oldu,

                                 Qaldır başın, Xarı bulbul,

                                  Susma oxu, sarı bulbul.

 

                                                    Düşmənlər pərişan oldu,

                                                     Bağırları şan-şan oldu,

                                                     Qarabağ Azərbaycan oldu,

                                                     Sən də sevin,Xarı bulbul,

                                                     Səsin gəlsin, sarı bulbul.

 

                                  Hayqırdı ‘‘Heyratı‘‘,‘Cəngi‘,

                                 Aldıq neçə şəhər,kəndi,

                                 44 günə zəfər zəngi

                                 Çalındı bax,Xarı bulbul,

                                 Sən cəh-cəh vur, sarı bulbul.

                                                                       

                                                           Qanla suvarıldı torpaq,

                                                            Şəhidlərə oldu yataq.

                                                            Bunu heç vaxt unutmayaq,

                                                           Səcdəyə gəl, Xarı bulbul,

                                                           ‘Şikəsdə‘ de sarı bulbul.                                 

 

                                       Ər oğlu ər Baş Komandan,

                                       İmzaladı hökmü-fərman,

                                       Etdi düşməni yer-yeksan,

                                       Dedi:açıl Xarı bulbul,

                                       Heç vaxt susma, sarı bulbul.

                 

                                                                                             

Təqaüddə olan müəllim Məfruzə Rəhmanova,
Quba, Zərdabi qəsəbəsi

                              

 

 

 

 

 

 

Instagram
Gündəmdən xəbəriniz olsun!
Keçid et
Ukrayna ordusu dəhşət saçdı: Rusiya ərazisi vuruldu