Bu gün İsveçrənin Davos şəhərində Ümumdünya İqtisadi Forumu öz işinə başlayır. Modern.az-ın Qərb mətbuatına istinadən verdiyi məlumata görə, budəfəki forum yubiley xarakteri daşıyır. Forumun 40 yaşı tamam olur. Tədbirdə 90 ölkədən 2500 nümayəndə iştirak edir. Forumun işinə 30 ölkə başçısı, 60-dan artıq ölkənin hökumət başçıları qatılıb. Budəfəki tədbirdə iqtisadçılar və siyasətçilər qlobal iqtisadi böhranın nəticələrini və dünya iqtisadiyyatına etimad problemini müzakirə edəcəklər.
Forumu Fransa prezidenti Nikola Sarkozi açacaq. Prezidentin öz çıxışında bankların işinin daha sərt qanunlarla nizamlanması zəruriliyindən danışacağı gözlənilir.
40-cı forum növbəti insidentlə müşayiət olunub. Yubiley tədbirə bir gün qalmış Forumun təhlükəsizlik məsələlərinə cavabdeh olan Qraubyunden kantonunun polis rəisi Markus Raynxard intihar edib. 61 yaşlı Raynxardın meyiti oteldə tapılıb. Onun tapançadan başına atəş açdığı
